राज खम्बुको गीतमा पलसंग बुगीबुगी बिजेता कबिताको पहिलो म्युजिक भिडियो सार्वजनिक (भिडियो हेर्नुहोस)

Kabita Nepali and Paul Shah official video Yahi ta hola Maya Raaz Khambu
विशाल चौतारी समाचार
काठमाडौ, २०७५ भाद्र २८, बिहिबार । गायक राज खम्बुको नयाँ म्युजिक भिडियोको सार्वजनिक भएको छ । केही समय अगाडी सम्पन्न भएको बुगीवगीका बिजेता कबिता नेपाली र चर्चित अभिनेता पल शाह फिचरिङ ‘यही त होला माया’ बोलको पहिलो म्युजिक भिडियो सार्वजनिक भएको हो । बुगीवगीको बिजेता बनेपछि कबिताको यो पहिलो म्युजिक भिडियो हो ।

भिडियो हेर्नुहोस :-


सार्वजनिक गीतमा एकनारायण भण्डारीको शब्द तथा आशिष अविरलको संगीत रहेको छ । गीतको एरेञ्ज प्रदिप श्रेयठले गरेका हुन्, भने मिक्सिङ किश्वर थापाको रहेको छ ।
डान्सिङ जनरामा बनेको म्युजिक भिडियोमा कविता नेपालीको एक फ्यानको भुमिकामा चर्चित अभिनेता पल शाहलाई देख्न सकिन्छ । म्युजिक भिडियोमा अभिनेता पल शाह र कबिताको जोडी जमेको छ । पल र कबिताको जोडीलाई भिडियोमा उतार्ने काम भने चर्चित भिडियो सम्पादक तथा निर्देशक टेकेन्द्र शाहले गरेका छन् । पहिलो म्युजिक भिडियो भएपनि कबिताको काम उत्कृष्ट देखिएको छ । म्युजिक भिडियोमा पल र कबिताको रामान्स सहितको डान्स देख्न सकिन्छ ।
विशाल चौतारी मिडिया प्रा.लीको युट्युव च्यानलबाट सार्वजनिक भएको म्युजिक भिडियोमा प्रशान्त तमाङको कोरियोग्राफी रहेको छ, भने राम कुमार केसीको सिनेमाटोग्राफी रहेको छ । भिडियोको सम्पादन भने निर्देशक स्वयम टेकेन्द्रले गरेका हुन् ।
गायक राज खम्बुको यो गीत ‘मत तिम्रो’एल्बममा समावेश रहनेछ । गायक खम्बुको पहिलो एल्बम १० वर्ष अगाडी ‘चिनो’ बजारमा आएको थियो । दोस्रो एल्बम ‘मत तिम्रो’को प्रस्तुतकर्ता स्वर्गीय अन्सु राई हुन् । दोस्रो एल्बमको बारेमा बोल्दै गायक राज खम्बुले भने ‘ मेरो दोस्रो एल्बम जुनमा रिलिज हुन लागेको थियो, तर मेरो श्रीमती बित्नुभएको कारणले रिलिज हुन सकेन । अब यो एल्बम मेरो श्रीमतीको वार्षिकिमा रिरिज हुदैछ’, गायक राज खम्बुले बताए ।